Deputeti Hasani kërkon realizimin e programit 7 pikësh nga Qeveria Serbe

Deputeti Hasani kërkon realizimin e programit 7 pikësh nga Qeveria Serbe

Gjatë seancës së Kuvendit republikan të 26 tetorit, në të cilën Qeveria i përgjigjet pyetjeve të deputetëve gjithashtu me pyetje kryetares së Qeverisë, Ana Brnabiq u paraqit edhe deputeti i Partisë për Veprim Demokratik, Fatmir Hasani.

Me këtë rast deputeti Hasani paraqiti pozitën e pavolitshme të Shqiptarëve në Serbi, që është dukshëm në nivel më të ultë se pozita e pakicave tjera, sepse nuk po realizohen as të drejtat e parapara me ligjet dhe Kushtetutën e Serbisë, e mos të flasim për standardet e Unionit Europian që aktualisht janë të paarritshme për Shqiptarët.

Në këtë drejtim deputeti jonë theksoi se pozita e Shqiptarëve në Serbi është aktualisht e pakrahasueshme me pozitën e Serbëve në Kosovë që kanë në Qeverinë e Kosovës tri ministri, një zëvendës kryeministër dhe shumë gjykatës në të gjitha nivelet e sistemit gjyqësorë të Kosovës.

Gjithashtu si ilustrim të pozitës së rëndë të Shqiptarëve në Serbi deputeti paraqiti faktin se gjersa në shumë komuna në Serbi shkalla e papunësisë është vetëm 6 % në Preshevë, Bujanoc e Medvegjë kemi papunësi rekorde prej mbi 60 %.

Si shembull konkret e paraqiti Spitalin e Vranjës, ku prej 600 të punësuarve asnjë nuk është i përkatësisë nacionale Shqiptare edhepse në rrethin e Pçinjës jetojnë rreth 30 % Shqiptarë.

Kryetarja e Qeverisë serbe nuk ishte në gjendje që konkretisht të përgjigjej në pyetjen se çka po ndërmerrë Qeveria për t’i zgjidhur këto çështje të ndieshme mirëpo premtoi se së shpejti do të sigurojë vlerësimin për realizimin e Programit 7 pikësh të Qeverisë serbe të vitit 2013.

 

Rinia e PVD-së të gatshëm për fitoren e re në zgjedhjet e parakohshme

Rinia e PVD-së të gatshëm për fitoren e re në zgjedhjet e parakohshme

Gjatë ditës së djeshme në ambientet e Partisë për Veprim Demokratik, përfaqësuesit e Forumit Rinor të PVD – së patën takim konsultativ me kryetarin e PVD – së, Riza Halimin dhe me kryetaren e degës së PVD – së në Preshevë, Ardita Sinanin.

Në këtë bashkëbisedim të përfaqësuesve të Forumit Rinor me udhëheqësit e Partisë për Veprim Demokratik, u diskutuan problemet me të cilat të rinjtë e komunës tonë përballen.

Ndër të tjera u diskutua edhe acarimi i situatës politike në komunë të Preshevës, pas emërimit të organit të përkohshëm nga ana e Qeverisë serbe, e që të rinjtë e PVD – së e quajtën organ i dhunshëm me mision për degradimin e komunës së Preshevës.

Organizimi i strukturave të Forumit Rinor në të gjitha nëndegët e komunës së Preshevës dhe parapërgaditja për zgjedhjet e ardhshme lokale ishte tema kryesore e cila u debatua në këtë takim konsultativ.

Të rinjtë e PVD – së u shprehën të bindur se ata do të jenë çelësi i suksesit të Partisë për Veprim Demokratik në zgjedhjet e ardhshme lokale.

Reagimi i Kryetarit Halimi në lidhje me shkarkimet e fundit

Reagimi i Kryetarit Halimi në lidhje me shkarkimet e fundit

Pas mbledhjes së parë të treshes së organit të dhunshëm me 33 pika të rendit të ditës vazhdoi edhe mbledhja e dytë me 19 pika të tjera të rendit të ditës, me ç’rast i aprovuan vendimet që janë ekskluzivisht me kompetencë të Kuvendit Komunal të komunës së Preshevës dhe në këtë mënyrë po vazhdojnë shkeljet e rënda të normave kushtetuese dhe ligjore.

Në kundërshtim flagrant me Nenin 86 alinenë 4 të Ligjit për pushtet lokal në bazë të cilit këshilli i përkohshëm mundë të kryej vetëm punë rrjedhëse dhe të pashmangshme, mirëpo, në rastin e këtij organi të dhunshëm po aprovohen Statute të ndërmarrjeve dhe institucioneve publike, u ndryshua Vendimi i administratës komunale, u shkarkuan dhe emëruan Këshillat mbikëqyrës e drejtues të ndërmarrjeve dhe institucioneve publike për të i shkarkuar në mënyrë joligjore drejtorët e këtyre institucioneve si në rastin e shtëpisë së shëndetit, ndërmarrjes komunale “Moravica” dhe Fondit për qëllime humanitare.

Me siguri në ditët vijuese do të vazhdojnë shkarkimet dhe vendimet e tjera joligjore, me të cilat do të realizohet misioni i mbrapshtë i degradimit të sistemit të pushtetit lokal në Preshevë. Shembulli i shkarkimit të dr. Reshat Ymerit nga funksioni i drejtorit të shtëpisë së shëndetit një muaj para pensionimit të tij, më së miri tregon se kryetari i dhunshëm, në aktivitetin ea tij të dëmshëm është duke u bazuar vetëm në inatin dhe teket e tij, duke e realizuar strategjinë e tij të shkatërrimeve të institucioneve të pushtetit lokal të paralajmëruar qysh në kohën e koalicionit me PVD-në.

Opinioni është i njoftuar me incidentin që krijoi mosmarrëveshjet e para në mes koalicionit PVD – APN, kur drejtori i shtëpisë së shëndetit nuk lejoi ndërtimin e egër të zyrës së zëvendësdrejtorit nga radhët e APN-së. Pra, shkarkimi i dr. Reshat Ymeri nga pozita e drejtorit të shtëpisë së shëndetit në vend të shpalljes së konkursit të rregullt për drejtor të këtij institucioni, nuk mund të kuptohet ndryshe pos si hakmarrje personale e kryetarit të treshes së dhunshme. Kjo përshtypje përforcohet edhe më tepër me faktin kur si ushtrues detyre të drejtorit të shtëpisë së shëndetit u emërua pikërisht ish zv.drejtori që kërkonte zyre speciale. Mjerisht ky kryetar i dhunshëm nuk u lodh fare me faktet e pamohueshme se drejtori i deritanishëm për punën e tij si mjek rregullisht kishte notë maksimale (8.99) nga ana e Ministrisë së shëndetësisë, derisa u.d.drejtori që ai po e instalon gjithmonë vlerësohet nga Ministria me notën më të dobët të mundshme (1.04).

Është krejtësisht e qartë se strategjia e masave të dhunshme ka për mision degradimin e komunës së Preshevës me imponim të dhunshëm të udhëheqësve komunal me nivelin më të ultë profesional në historinë e Preshevës, të cilët duke avancuar joprofesionalizmin dhe papunësinë po detyrojnë largimin e të rinjve nga Presheva.

Në këto momente të rënda për Preshevën, duke shpresuar se së shpejti do të i kalojë koha masave të dhunshme, është e rrugës të theksohet se në udhëheqjen një vjeçare të shtëpisë së shëndetit nga dr.Reshat Ymerit u arritën rezultate të konsiderueshme.

Me ndihmën e buxhetit të Komunës me lartësi rreth 4000000 dinar u kryen renovime të ordinancave, nyjave sanitare dhe hapësirave tjera; gjithashtu u sigurua uji dhe pajisje tjera të domosdoshme për punën e rregullt të shtëpisë së shëndetit.

Kurse nga donatorët ndërkombëtar u siguruan pajisje shumë të rëndësishme dhe moderne me vlerë mbi 240000 euro:

  • Ambasada Norvegjeze siguroi rregullimin e ordinanca e radiologjisë, gjithashtu u siguruan aparati i radiologjisë dhe mamografi nga donacioni me lartësi prej 150000 euro
  • Ambasada e Japonisë siguroi aparatin CTG për gjinekologji me vlerë prej 37000 euro dhe autoambulancë të tipit Peugoet me vlerë prej 33200 euro
  • Ambasada Gjermane siguroi pajisje dhe instrumente në lartësi prej 10000 euro.

Sigurisht që shtëpia e shëndetit ka nevojë edhe për pajisje të tjera, për rritjen e numrit të personelit profesional si dhe për ndërtimin e objektit të emergjencës, projekt për të cilin është konkurruar në Zyrën qeveritare për investime publike në bashkëfinancim me donatorë ndërkombëtar, i cili ishte në fazën e përgatitjeve gjatë mandatit të kryetares Sinani.

Është evidente që brenda afatit shumë të shkurt një vjeçar dr.Reshat Ymeri si drejtor në këtë institucion dha një kontribut shumë të rëndësishëm që meriton një falënderim dhe mirënjohje të përgjithshme publike.

23.10.2017, Preshevë
Riza Halimi
Kryetar i Partisë për Veprim Demokratik

Kryetari i Bujanocit: Shqiprim Arifi parashutist i dështuar i Europës

Kryetari i Bujanocit: Shqiprim Arifi parashutist i dështuar i Europës

I nderuari Shqipërim Arifi,

Dy ditë me radhë duke përdorur metoda të fabrikimit të të vërtetave, në Facebok, qoftë përmes deklarimeve personale, qoftë përmes sponsorimeve të “miqve” , po mundohesh me kriju një opinion të rrejshëm për veten dhe “ndryshimin” që po i sjell Preshevës, në prak të caktimit të datës së mbajtjes së zgjedhjeve lokale në këtë komunë.

Po flet për “bujën e madhe” që na paska bërë në “takimin e miqve”, edhe pse nga ajo që degjova vetë, si pjesëmarrës i drejtpërdrejtë, mu bë e qartë se për TY nuk janë problem të drejtat por “zgjidhja e çështjeve praktike”, nuk janë problem diplomat por ujësjellësi, duke fshehur të vërtetën se ujësjellësi është problem që varet nga komuna, e që për 11 muaj sa ishe kryetar nuk bëre gjë për ta zgjidhur këtë problem.

Përshtypja ime është se si “reformator” nga Gjermania disi i ke dhënë vetes obligim të madh me shfajsu Serbinë për gjithë diskriminimin që, me decenie, po i bën popullatës shqiptare.

Më detyrove me reagu për shkak se me marketingun tënd përçarës po falsifikon dhe keqpërdorë detaje të rastësishme nga takimi i “Miqve”. Konkret është fjala për këtë foto të rastit para Ambasadës Britanike të cilën po e shpërndanë përmes miqve të tu në Facebok, e ndër duar edhe me Viber dhe Whats up.

Nëse vërtetë e çmon prezencën time në atë foto, është dashur që vetë ta publikosh, por, kam përshtypjen se me dëshirën dhe idenë tënde djallëzore për të nxitur përçarje brenda kampit të PVD-së ia dha “miqve” ta shpërndajnë atë foto.

Reagova në radhë të parë për ta shuar TY cdo ILUZION që mund ta kesh krijuar se në kampin e PVD-së mund të nxitësh përçarje me tentativa mjerane. Sa e ultë është kjo o Shqipërim Arifi. Sidomos për një “musliman të sinqertë” çfarë pretendon të na paraqitesh.

Për mua kjo që ke bërë, jo që do të mund të të ndihmojë, për mua kjo është një sinjal i qartë se je në panikë, se po të ngulfatë ndjenja e fajit e “Surdulicka vezës”, se po i fikësohesh përballjes në ringun politik me një zojë që ka dëshmuar se ka guxim me u përballë me politikën dhe politikëbërësit si ti.

Prandaj, shpëtimin po e kërkon në këto të rëna nën brez, lojra përçarëse, lojëra djallëzore, të cilat, në fund do të të diskualifikojnë vetë ty.

Sa për mua s’ka problem, unë nuk e kam problem se ku dhe me kend gjindem, se jam vet apo jam me shokë, se jam në Bujanoc apo Beograd, se jam në qeveri apo nëpër ambasada, pasi që qëndrimet e mia politike i kam kristal të pastërta.

Këto qëndrime dhe pikëpamje janë formuar në një proces të sfidave të shumta nëpër të cilat kam kapërcyer bashkë me bashkëkombasit e mi. Unë nuk jam parashutist i dështuar i Evropës.

Asessi, as unë as PVD, nuk i frikësohet ndikimit të “erezave të ndryshimeve”, qoftë edhe kur ato vijnë nga pazaret egjiptiane.

Nuk frikësohem se qëndrimet e mia politike mund t’i ndryshojë një fotografi rasti, nuk frigoj që mund t’i ndryshosh TI, aq më pak miqësitë nga Surdulica, e bile as shefi i tij i madh.

Me beteja të këtilla të ulta kam një jetë që përballem, pavarësisht vështirësive që me kanë sjellë në jetë, gjithmonë, ama bash gjithmonë kam dalë fitimtarë.

Kam dalë fitimtarë sepse përherë kam qenë parimorë, bile edhe ndaj intrigave edhe ndaj intrigantëve.

Do ta kesh rastin të bindesh edhe ti për orientimin tim politik të qartë.

Shum shpejt bile, në fushatën e ardhshme në Preshevë. Aty do të jem.

Me respekt,
Shaip Kamberi

(PS: fjalinë mjerane në fund të fotos që e keni shpërndarë e preva, vetëm për ta kursyer opinionin publik)

Deputeti Hasani në parlament kërkon hapjen e kufirit Miratoc- Llojan

Deputeti Hasani në parlament kërkon hapjen e kufirit Miratoc- Llojan

Në seancën e Parlamentit Republikan të Serbisë, të mbajtur më 12.10.2017, deputeti popullor z.Fatmir Hasani foli për problemin e mos implementimin e vendimit tëQeverisë së RFJ në vitit 2005 e që lidhet me Preshevën, duke cekur se po i njejti vendim është implementuar në Tërgovishtë. Në vazhdim po ju sjellim fjalimin në tërësi.

**
Në vitin 2005, Qeveria e Republikës Federale të Jugosllavisë mori vendim për të hapur tri kalime kufitare me Maqedoninë në territorin e komunës së Preshevës, një në kalimin kufitar në territorin e komunës së Trgovishtes. Derisa është hapur një vendkalim kufitar në komunën e Trgovishtes, në komunën e Preshevës sot edhe pas 12 viteve nuk është hapur asnjëri prej tre kalimeve kufitare të planifikuara.

Nuk është hapur as kalimi kufitar në rrugën komunale të Preshevës, kalim ky që funksiononte me një frekuentim të madh të trafikut që lidhte një numër të madh vendbanimesh në të dy anët e kufirit. Dhe në të dy anët e kufirit shtetëror në një distancë prej 2 km., ka dy vendbanime të mëdha, Miratoc me 5000 banorë dhe Llojani nga ana Maqedone me 4000 banorë.

Që nga viti 1992, qytetarët e këtyre dy fshatrave të mëdha, përveç problemeve shumë të vështira, sidomos në përpunimin e tokës bujqësore, kanë probleme edhe më të mëdha në komunikimin e ndërsjellë, sepse ata duhet të udhëtojnë vetëm në një drejtim deri në 25 km., me afat më të gjatë duke pritur turmat në trafik, të krijuara në vendkalimin kufitar pranë Preshevës, të cilat janë shumë të shpeshta sepse ky kalim kufitar është në autostradën Beograd-Shkup.

Andaj duke parashtruar pyetjen për Qeverinë pse nuk është hapur deri më tani ky vendkalim kufitar në Preshevë, kërkoj hapjen urgjente të tij.